91
Fâ‘ilâtün fâ‘ilâtün fâ‘ilâtün fâ‘ilün
1 Dört Kitâbıñ ma‘nâsı cümle kelâm içindedür
Her kemâliñ nüktesi mahfî kelâm içindedür
2 Ehl-i hâlden olmayanlar râz-ı muglak añlamaz
Yohısa bu bahr-i ma‘nâ bir kelâm içindedür
137
3 Mâ vü menle bu suver akdâhıdur mâni‘ olan
Rûh-i kudsî ki dinilür bu kelâm içindedür
4 Vahy ü ilhâm hâlini herkes niçe fehm eylesün
Ekmelîniñ kadr u mi‘yârı kelâm içindedür
5 Bizleri rabt eylemiş nefs ü hevâ vâdîsine
Berzahımız añlasañ cümle kelâm içindedür
6 Kâ’ile olsa mü’essir hem makûl mukbil olur
Şîve-i redd ü kabûl elbet kelâm içindedür
7 Havsala mahz olmayınca nûş olınmaz Sıdkiyâ
Zulmet içre âb-ı hayvân bil kelâm içindedür
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
