[Fâ’ilâtün Fâ’ilâtün Fâ’ilâtün Fâ’ilât]
− · − − / − · − − / − · − − / − · −
 
1 Dönse meclisde safâlar birle sâfî râhımuz
 Nola anuñla bulur râhat müdâm ervâhımuz
 Her ne dem mahmûr u evkâr olub olsak mey-zede
 Yine meydür eyleyen ol dem bizüm ıslâhımuz
 Keştî-i dil mevc-i bahr-ı gamdan olurdı helâk
 Olmasaydı ‘aşk anda vây eger mellâhımuz
 Göz göñül rûşenligi olurdı maksûd üzre âh
 Virse zû bezme eger ol ruhları misbâhımuz
5 Sohbet-i cânânla bulmazdı râhat rûhımuz
 Geçmese anuñla Nazmî ‘âlem-i ervâhımuz
 
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr