Dirîg bülbül ü tûtî ki_ider celâ-yı vatan (495/1)
Gurâb u bûma bedel olalı hümâ-yı vatan
Vatanda dahı ne râhat ola ki nergis ü gül (495/2)
Gidüben oldı tolı hâr u has serâ-yı vatan
Vatanda nicesi mü’min karâr duta bile (495/3)
Çün oldı kâfer-i bî-rahm kethüœâ-yı vatan
Vatandan ayrulıgum binüm ıztırâr-ıladur (495/4)
Hoœ ihtiyâr-ıla kimdür ki_ide celâ-yı vatan
Egerçi bâg u gül-istân-durur müferrih-i rûh (495/5)
Velîkin ayrug olur revnak-ı safâ-yı vatan
Vatan firâkı yahar şembigi cânı oda (495/6)
Niçe ki göñlüme düşe benüm hevâ-yı vatan
Bihişte dahı varursan vatan unıdılmaz (495/7)
Ki cân-ıla bile geldi tene vefâ-yı vatan
Vatandan ayru nice eylesün göñül ârâm (495/8)
Çü revh-i cândur hem rûh dil likâ-yı vatan
Beşâret-içün ide Ahmedî revân cânın (495/9)
İrişse bir kez aña gaybdan salâ-yı vatan
5
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
