Fe`ilâtün Fe`ilâtün Fe`ilâtün Fe`ilün
1 Dir idüm gamze-i hûnîlere cânâ bed-mest
İtseler sâgar-ı perhîz-i nigeh-nâzı şikest
2 Âb-ı Hızr u dem-i `Îsâya tahassür mi çeker
Hâhiş-i bûse-i la`lüñle olan bâde-perest
3 Geşt-i nüzhet-gede-i huld-i berîn eylese dil
Yine bulmaz ser-i kûyuñ gibi bir cây-ı nişest
4 Bâyezîd olsa temâşâ iden ol gamzeleri
İder elbette temennâ-yı nigâhuñ anı mest
5 İre mi dest-i niyâza keremüñden yine âh
Gonçe-i nîm-tebessümle gül-i bûse-i dest
6 Nagme-perdâz idi şevk-i ruhuña bülbül-i dil
Olmadın dahı şüküfte gül-i gül-bâğ-ı elest
7 Sâye-i serv-i bülendüñi çeker âgûşa
Reh-güzâruñda olanlar dil-i Nâmî gibi pest
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
