Mefâ‘ilün Fe‘ilâtün Mefâ‘ilün Fe‘ilün
1 Dime halâl ü harâm iç şarâb her ne ise
Derûnı rûşen ider âftâb her ne ise
2 Yâ ser-bülend yâ pâ-mâl-i nâz ider bir gün
O âfete iderüz intisâb her ne ise
3 Olur ya gevher-i galtân ya katre-i sîm-âb
Bir âd ider dil-i pür-ıztırâb her ne ise
4 Şebâb u şîb-i bed ü nîk ‘âlemi gördük
Zamâne itdi biraz kâm-yâb her ne ise
5 Olursa her ne kadar sâde şi‘ri Âgâhun
Bir iki beyt iderüz intihâb her ne ise
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
