Kategoriler ŞİİRİSTAN Muvakkitzâde Muhammed Pertev Şiirleri Dilde sûz-ı ‘aşk-ı hüsnüñ nâr-ı Tûr’a beñzemiş

Henüz yorum yok

Dilde sûz-ı ‘aşk-ı hüsnüñ nâr-ı Tûr’a beñzemiş

0

fâ’ilâtün fâ’ilâtün fâ’lâtün fâ’ilün

1 Dilde sûz-ı ‘aşk-ı hüsnüñ nâr-ı Tûr’a beñzemiş

Cûş-ı giryem dîdede âb-ı tenûra beñzemiş

2 Nâ-gehân gelmiş hayâlüñ nükhet-i Yûsuf gibi

Beytü’l-ahzân-ı dilüm dârü’s-sürûra beñzemiş

3 Âteş-i sevdâ-yı zülf-i ‘anberînüñden yanup

Dûd-ı âhumdan dil-i sûzân buhûra beñzemiş

4 Gül-han-i ‘aşkuñda bu külden kömürden câme-hûb

Pister-i pür-’izz-i sincâb u semûra beñzemiş

5 Zîr-i gîsûda sürîn-i sâfı Pertev ol mehüñ

Sâye-i sünbülde pinhân kûh-ı nûra benzemiş

Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0

0