Kategoriler ŞİİRİSTAN Fehimi Kadim Şiirleri Dilber olıcak ol meh-i tâbân gibi olsa

Henüz yorum yok

Dilber olıcak ol meh-i tâbân gibi olsa

0

Reng-i güli hurşîd-i dırahşân gibi olsa

Sâyende olurduk senün âsûde-dil ey mihr

Sâyen dahı ol zülf-i perîşân gibi olsa

Çokdan anı bâzâr-ı mahabbetde satardum

Cânânum eger Yûsuf-ı Ken’ân gibi olsa

Ol gonca verüp hançer-i hûn-rîzine ruhsat

Sînem gül-i sad-berg-i gülistân gibi olsa

Ey çarh şehîd olmaduk âdem mi kalurdı

Tîg-i sitemün gamze-i cânân gibi olsa

Teşbîh ider cûşişini eşküme ummân

Kim aglar idi dîde-i giryân gibi olsa

Hurşîd-i cihân olsa Fehîm eylemezem meyl

Dilber olıcak ol meh-i tâbân gibi olsa (G/255)

0