94-
Mefâ`îlün Mefâ`îlün Mefâ`îlün Mefâ`îlün
1 Dilâ bûs-ı leb-i cânâna magrûr olma firkat var
Bilürsin âhirinde bezm-i sahbânuñ nedâmet var
2 Ümîdüñ kes temennâ itme vaslın ehl-i derd ol kim
Cefâ-yı dil-beri çekmekde ey dil özge hâlet var
3 Göñüller nakdini almakda eyler hîleler peydâ
Zen-i dünyâya aldanma er iseñ erde gayret var
4 Ruhuñ bâgın temâşâ itmede `ömrüm safâ yokdur
İdicek bir mesîre seyrini dilde meserret var
5 Bu Sa`dî gör ki Fettâhî Ziyâ’îye mu`în oldı
Kemâlinden Zahîrüñ sözlerinden yeg selâset var
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
