[Fâ’ilâtün Fâ’ilâtün Fâ’ilün]
− · − − / − · − − / − · −
1 Dil yine bir bî-bedel dilber sever
Hüsn ilinüñ şâhı bir server sever
Gören âdem âh olur dîvânesi
Cândurur cân bir perî-peyker sever
Her kabâhatden berî olur o kim
Pâklik üstine güzeller sever
Meyli rûy-ı hûbadur ehl-i dilüñ
Ehl-i dünyâ rûy-ı sîm ü zer sever
5 Kankı kes kim hayra mâyil olmaya
Kanda olursa o şûr u şer sever
Şol erüñ zenden ne farkı ola kim
Hep bezer kendin zer ü zîver sever
Virdi bir zât-ı şerîfe Nazmî dil
Hak bu kim hüsn-ile bir cevher sever
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr
