[fâ’ilâtün fâ’ilâtün fâ’ilâtün fâ’ilün]
1 Dil perîşândur senüŋ zülf-i perîşânuŋ görüp
Lâle-veş yakdı ciger bu verd-i handânuŋ görüp
2 Bülbül ey dil haylice dün germ idi gülzârda
Sıklıgı diŋdi bugün feryâd u efgânuŋ görüp
3 Gözine görinmez oldı nergisüŋ kadd-i çenâr
Bâgda ey gonca-leb serv-i hırâmânuŋ görüp
4 Ejder-i âhum çekilür göge her dem ey melek
Genc-i ruhsâruŋdaki bu zülf-i su’bânuŋ görüp
5 Gülşen-i nazm içre teşbîh itdiler bir goncaya
Ehl-i diller Rahmiyâ bu tâze dîvânuŋ görüp
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
