Mef`ûlü fâ`ilâtü mefâ`îlü fâ`ilün
1 Dil mâ'il oldı sâ'idinün tâze dâgına
Bülbül gibi diler ki kona gül budagına
2 Açıldı itdi bülbül-i şeydâya iltifât
Bilmem sabâ ne söyledi verdün kulagına
3 Sandum öpüşdi birbiriyle iki cevân
Yârün degince lebleri câmun dudagına
4 Gülzâra ragbet eyleseler nola benzedi
Gonce dehân-ı dil-bere güller yanagına
5 Ehl-i mezâka feyzi çü sâkî-i bezm ider
Yahyâ `aceb mi her biri düşse ayagına
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
