.--- / .---
Dil-i sûzân-ı huşkum oldı hasb-i dîde-i terden
Cihâna sûz-i bahrin dûn-terdür hâsılı berden
Olan ‘ibretle nâzir irtihâl-i ehl-i dünyâya
Hemân dir merd-i cân-bâzuñ güzârı heft-çenberden
Hakîkatle mecâzuñ câmi‘idür vâsıl-ı ma‘nâ
Ne mümkin kuvvet-i pervâz murg-ı cism-i yek-perden
Bulur ‘ayş-ı şenî şîr-i nefesi eyleyen maktûl
Görülmez mi olur nân-pâreye nâ’il geçen serden
Eyâ fazl ile sözdür câhı tahkîr eyledüm sanma
Gelür mi san‘at-ı âhen-gerân dest-i zer-gerden
Muhakkak ehl-i isti‘dâda lâzım hidmet-i üstâd
Meh-i nev iktibâs-ı nûr ider hurşîd-i enverden
Kelâm-ı hikmet-i ‘âleme girân-cân câhildür
Hemânâ seng-i saht âsiyâb itdi dürgerden
Olur nâ-yâfte-dil ma‘ni-i şi‘rüm iden tahkîk
Belürmesin bilür niyyet girân-ı pâk cevherden
Olam dirseñ cihânda şâ‘ir-i efrâddan ma‘dûd
Sa‘îdâ müstefîd ol şi‘r-i Nâbî-i suhan-verden
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
