[mefâ’îlün mefâ’îlün mefâ’îlün mefâ’îlün]
 
1 Dil-i pür-derdümüŋ ser-menzili sahrâ-yı gurbetdür
Ceresdür nâleler feryâd-ı sînem kûs-ı rıhletdür
 
2 Süreyyâ sanma nakş itdi girüben kebkebüŋ şeklin
Felek haylice ‘âlemde nigârâ sikke-sûretdür
 
3 Kebûd itseŋ nola cismüm ser-â-ser seng-i mihnetle
Dil-i dîvâneme şâhum o bir sincâbi hil’atdur
 
4 Görüp na’l-i semendüŋ şeklini ger nola âh itsem
Şikeste dillere ol şeh-süvârum dâg-ı hasretdür
 
5 Sirişk-i Rahmiye cânâ nazar kılma hakâretle
Hazer it eşk-i çeşmi ‘âşıkuŋ deryâ-yı rahmetdür
 
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,