[197]
Mefâ`îlün Mefâ`îlün Mefâ`îlün Mefâ`îlün
1 Dil-i erbâb-ı `ışka hîç karâr u mesken olmazmış
Hümâ-pervâz imiş ammâ per ü bâl-efgen olmazmış
2 Fezâ-yı dilde dâğ-ıstân-ı derd ü nâleden gayrı
Nevâ-yı `andelîb ü şâhsâr-ı gülşen olmazmış
3 Gam-ı hecr [ü] neşât-ı vasl olurmış `âkıbet yeksân
O demlerde şeb-i târîk ü rûz-ı rûşen olmazmış
4 Tutarmış pîr-i `ışk âgûş-ı dilde Yûsuf-ı hüsni
Arada mekr-i ihvân nekhet-i pîrâhen olmazmış
5 Ser-â-pâ bir görinmez şu`le-i pertâb imiş Nâmî
Libâs-ı `ışka ceyb ü âstîn ü dâmen olmazmış
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
