-447-
Fâ`ilâtün Fâ`ilâtün Fâ`ilâtün Fâ`ilün
1 Dil bugün bâzâr-ı dehr içinde olmaz müşterî
Atlas-ı gerdûnuñ ey mâh olsa Pervîn Müşterî
2 `Aşk-ı cânânı ne bilsün anı hîç işitmeyen
Gevher adın bilmeyen şâhum ne bilsün gevheri
3 Keşf-i esrâr eylesem hayrân iderdüm `âlemi
Saklamazdum degme câhilden degül ammâ yiri
4 Hasret-i rûyuñla eşküm bir akar sudur latîf
`Aynı ile iki çeşmümdür iki nîlüferi
5 Ey Ziyâ’î her sözüñ bir gevher-i nâ-yâbdur
Şimdi bir bâzâra düşdüñ kim bulınmaz müşterî
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
