42.
 
Mefâ‘îlün mefâ‘îlün mefâ‘îlün mefâ‘îlün
Hezec . - - - / . - - - / . - - - / . - - -
 
01. Dil almak gerçi-kim zülf-i perîşânuŋda kalmışdur
 Velî cân-bahşlık la‘l-i dür-efşânuŋda kalmışdur
02. Heves kılmaz aŋa ‘arz ėtseler Tûbâ vü uçmağı
 Göŋül murgı senüŋ serv-i hırâmânuŋda kalmışdur
03. Gelür yoluŋa kalmaz hancerüŋle ėtdügüŋ kanlar
 Benüm şâhum sen anı sanma kim yanuŋda kalmışdur
04. Yakaŋda al atlas sanma boynuŋa düşüp kanum
 Begüm andan eser tavk-ı girîbânuŋda kalmışdur
05. ‘Aceb olmaz VUSÛLÎ menzil-i maksûda ėrmezse
 Reh-i hayretde ol bî-çâre seyrânuŋda kalmışdur
 
 
Hakan TAŞ, VUSÛLÎ [ö. 1592], DÎVÂN [İnceleme-Metin-Çeviri-Açıklamalar-Dizin], T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3308 KÜLTÜR ESERLERİ Ankara 2010