136.
- . - - / - . - - / - . - - / - . –
1.Dest-i sâkiden ki câm-ı pür-safâ eksük degül
Turfa gülbündür güli sayf u şitâ eksük degül
2.Serde ‘aşk olsa havâlanmakdadur zahm-ı derûn
‘Âşık-ı zâruñ başından bir hevâ eksük degül
3.Şahne-i bâzâr-ı mihnet eksügüm tutmaz benüm
Sînem üzre kurs-ı dâgum dâ’imâ eksük degül
4.Hüsnüñe magrûr olup sen arturusın ‘âşıkı
Baña da çok sevdügüm bir meh-likâ eksük degül
5.Ey ‘Atâyî muttasıl gelmekde câna derd ü gam
Hânemüzden hîç yârân-ı safâ eksük degül
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
