fe’ilâtün fe’ilâtün fe’ilâtün fe’ilün]
1 Derlese yâr ruhı kâküline tâb virür
Bâgbân nite ki şebbûya seher âb virür
2 Dâgumı tuhfe diyü yâre nola ‘arz itsem
Gâh olur şâha gedâ bir gül-i sîrâb virür
3 Beni öldürdigini gamzesi dir çeşmine san
Kendünüŋ öz haberin Rüsteme Sührâb virür
4 Devleti tîz felek virse nola nâ-dâna
Gâh olur pâre-i lahmı sege kassâb virür
5 Tîz olur Rahmî dile alsa ‘adûnuŋ haberin
Şol dil-âver gibi kim tîgine zehr-âb virür
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
