408
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Ey göñül sen n’ola bir nâçiz-i bî-mikdâr iseñ
Çeşm-i mekkârı gamından haste vü bîmâr iseñ
Pister-i hasretde her gün zâri zârî iñleyüp
Gözlerüñ yıldız sayarsa her gice bîdâr iseñ
Derd-i hecr-i yâr ile Ya‘kûb’veş kan aglayup
Yûsuf’âsâ dâ'imâ çâh-ı zekanda zâr iseñ
Zülfi sevdâsında bâdâsâ yilüp şâm u seher
Deşt-i hayretde giriftâr-ı cefâ-yı mâr iseñ
Bend-i mihnetden seni âzâd ider Ravzî-sıfat
Sen eger ey dil esîr-i bend-i zülf-i yâr isen
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
