Mefâ‘îlün/ Mefâ‘îlün/ Mefâ‘îlün/ Mefâ‘îlün
Dehânuñ öpmege bî-çâre dil fikr-i nihân eyler
Velî ortada hâsıl yok tasavvurdan ziyân eyler
Göñül bayram güni yâri salıncag üzre seyr itse
Sanur rûh-ı revân kandîl-i ‘arşı âşiyân eyler
Visâlüñ gevherine sâkıyâ kıymet yetişmezken
Kerâmet bâdeye yetmez mi anı râygân eyler
Gamuñ magribde ben maşrıkda olsam bu ne hikmetdür
İrer göz yumup açınca meger tayy-ı mekân eyler
Behiştî âstân-ı yâri özler sîne-i pür-şevk
Hevâ gâlib olınca hâke ‘azm-i âsmân eyler
Dr. Yaşar AYDEMİR, BEHİŞTÎ DÎVÂNI,
Behişti Ramazan
