Nihâl-i sîmsin ey serv müşgîn dallar salmış
Yâ bir tâvûs-ı cennetsin mu‘anber bâllar salmış
2. Degüldür Vâmık u Ferhâd u Mecnûn belki pîr-i ‘ışk
Belâ bâzârını deryûzeye abdâllar salmış
3. Otursın diyü sultân-ı hayâlüñ göz sarâyında
Ciger kanı serîr-i sîme nat‘-ı âllar salmış
4. Irakdan bakdugı göz merdümi bu zülf ü kâkülden
Ruhı bâgına ol gül ef‘î-i kattâllar salmış
5. Meger tıfl-ı dil-i Emrî femüñle gâib olmışdur
Figân u nâlesi şehr-i gama dellâller salmış
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
