132
 
Fâ‘ilâtün Fâ‘ilâtün Fâ‘ilâtün Fâ‘ilün
 
1 Dâyimâ sen mâha şi‘rümdür benüm suret viren
Husrevâ Şâvûr durur Şîrîne hep sûret viren
2 Deyre kim sûret virürdi ger sanemler olmasa
Hep güzellerdür cihâna zîver ü zînet viren
3 Husrevâ ‘ışkuñ pelâsını geyürdi egnüme
Saña bu hüsn ü bahâ vü nâzdan hil‘at viren
4 Baña mihrüñ hamrıdur viren ecel keyfiyyetin
Câm-ı ‘ışk-ı Leylîdür Mecnûna hep hâlet viren
5 Hâk-i zilletde be-gâyet Sun‘iyi itdi hakîr
Sen boyı serv-i ser-efrâza şehâ rif‘at viren
 
 
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep