Mef‘ûlü Fâ‘ilâtü Mefâ‘îlü Fâ‘ilün(1)
1. Cûy oldı âb-ı dîde leb-i cûy-bâra gel
Dîdâr ‘âşıkıdur esirge kenâra gel
2. Maksûd hûr-ı ‘ayn ise zâhid behişte var
Dîdâr ise murâduñ eger kûy-ı yâra gel
3. Ey câm-ı la‘l ile tolu bezm-i Cem isteyen
Ol sohbetüñ nümûnesidür lâle-zâra gel
4. Gam ehlinüñ sürûr ile çün kârı zârdur
Ger merd-i ‘arsa-i gam iseñ kârzâra gel
5. Ey hâce şehr-i na˙mda sarrâf Emrîdür
Sâf eyledüñse kalbüñi sâhib-‘ayâra gel
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
