363
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Gözleri ma‘lûldur gam çekme gelmiş dirse hat
Dostum düşmen okurmış mushaf-ı hüsnüñ galat
Görmeyel’den âh kim Bagdâd-ı hüsn-i dil-beri
Cûy-ı eşküm oldı hem çün Dicle vü Ceyhûn u Şat
Mû-miyânuñdan kesilmez ger kesem bâzûlarum
Çünki peygamber didi lâ-hayren illâ-fi’l-vasat
Hıdmet-i ‘ışkında taksîri mi var kim la‘l-i yâr
Defter-i lutf u vefâsından vazîfem kıldı hat
Gûyiyâ ser-sûrelerdür şârib ü ebrûları
Mushaf-ı hüsninde olmış Ravziyâ beñler nukat
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
