148
Fâ‘ilâtün fâ‘ilâtün fâ‘ilâtün fâ‘ilün
1 Cûş idüp deryâ gibi ‘ummân olan sensin göñül
Sendedür dürr ü cevâhir kân olan sensin göñül
2 Velvele saldıñ cihâna bu nihânî perdeden
‘Âlem içre fitneye bürhân olan sensin göñül
3 Gâh olur Ya‘kûb tegi mahzûn olursın dem-be-dem
Yûsuf-âsâ gâh olur sultân olan sensin göñül
4 Sendedür dürlü devâlar sendedür bunca hikem
Bunca sâhib-derdlere Lokmân olan sensin göñül
5 Gösterürsin dürlü dürlü nakş u cilve Sıdkîye
Añladım âyîne-i devrân olan sensin göñül
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
