(Mefâîlün Mefâîlün Mefâîlün Mefâîlün)
1 Civân-merd âb-ı rûyı ırzını itmâm içün saklar
Kişi bu gevher-i nâmûsu nîgû-nâm içün saklar
2 Zuhûr-ı hattına vâbeste kıldım âh-ı pür-sûzu
Çerâg-ı rûşenâ-bahşâyı dil ahşam içün saklar
3 Der-i ihsân açılmazsa bize ceyb-i derûnumda
Gönül miftâh-ı âhı feth-i bâb-ı kâm içün saklar
4 Der-i maksûd açılmazsa kolay ceyb-i derûnumda
Gönül miftâh-ı âhı kufl-ı genc-i kâm içün saklar
5 O meh nâm u nişân göstermez uşşâka dehânından
Nîgînâsâ leb-i lalini fass-ı câm içün saklar
6 Ko tursun levh-i dilde dâg-ı ışk agyâra ibrâz et
Mühürlü hücceti dil hasmını ilzâm içün saklar
7 Gözün açmaz bezimde emmeyince leblerin Haşmet
O zâlim nukl-ı bâdâmı mey-i gül-fâm içün saklar
Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk),
