Kategoriler ŞİİRİSTAN Nevizade Atai Atayi Şiirleri Cismümi hâk eyledüm hâk üzre cevlânuñ görüp

Henüz yorum yok

Cismümi hâk eyledüm hâk üzre cevlânuñ görüp

0

1.Cismümi hâk eyledüm hâk üzre cevlânuñ görüp

Sînemi çâk eyledüm çâk-i girîbânuñ görüp

2.Sâye gibi kendümi yirden yire çaldum hemân

Pertev-i mihr-i ruhuñ serv-i hırâmânuñ görüp

3.Mest-i ‘aşkum ihtiyârum kalmadı kan agladum

Sâkiyâ sâgarda ‘aks-i la‘l-i handânuñ görüp

4.Eyledüñ dem-beste ‘arz idüp ruhuñ mir’âtini

Dem-be-dem âh itmezem ol lutf u ihsânuñ görüp

Derd-i ‘aşk ile ‘Atâyî şöyle olduñ hasta-dil

Hep tagıtduk kendümüz zülf-i perîşânuñ görüp

0