77.
. - - - / . - - - / . - - - / . - - -
1.Cilâ vir câma sâkî matla‘ü’l-envârı görsünler
Dile bir cür‘a feyz it mahzenü’l-esrârı görsünler
2.Şeker handüñle gâhî nakd-i ihsâna nemek-pâş ol
Mezâk erbâbı cânâ lezzet-i güftârı görsünler
3.Ne âteş saldugın seyr eylesünler kişver-i câna
Yakam çâk ideyin sînemde yanan nârı görsünler
4.Tenümde nây olup her üstühânum nâleler eyler
Beni seyr itmeyen ahbâb mûsikârı görsünler
5.Nazîrüñ bulunur mı bir dahi ey Yûsuf-ı sânî
‘Atâyî-veş meded cân virürüz bâzârı görsünler
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
