Cihândan Fârigüm Gam ‘Âleminde Hoş Demüm Vardur

Cihândan Fârigüm Gam ‘Âleminde Hoş Demüm Vardur

Cihândan fârigüm gam ‘âleminde hoş demüm vardur

Degişmem on sekiz bin ‘âleme bir ‘âlemüm vardur

N’ola bâzû-yı sa’y-ı gerden-i ümmîde salarsam

Kolumda dâg-ı ‘ışkun gibi hırz-ı a’zamum vardur

Gönül hercâyîdür cân ‘âriyetdür geçdüm anlardan

Sirişküm gibi dem-sâz âh gibi hem-demüm vardur

N’ola dîvân-ı şi’rüm sakınursam yâdlardan ben

İçinde niçe ebkâr-ı ma’ânî mahremüm vardur

Ne gam cümle cihân bed-hâh u düşmen olsa ey ‘Âşık

Benümdür mülk-i istignâ cihânda ne gamum vardur

 https://edebiyatvesanatakademisi.com/post/asik-celebi-hayati-ve-eserleri-16-yy/75596