Cihândan ben usanmışam baña sini gerek sini (649/1)
Kamulardan üşenmişem banâ sini gerek sini
N’iderem bu ten ü cânı ya sensüz âb-ı hayvân (649/2)
Veyâ-hûœ dîn ü îmânı baña sini gerek sini
Gerekmez rûh-ıla reyhân gerekmez hûr-ıla vildân (649/3)
Gerekmez Ravza-i Rıdvân baña sini gerek sini
Gerekmez göñlüme selvet gerekmez rûhuma râhat (649/4)
Gerekmez cânuma işret baña sini gerek sini
Gerekmez mülket-i dünyâ gerekmez devlet-i akbâ (649/5)
Gerekmez kevser-i tûbâ baña sini gerek sini
İçüm sensüz cehennemdür yaşum-ıla cihân nemdür (649/6)
Benüm sensüz cihân nemdür baña sini gerek sini
Dilemez Ahmedî iy şeh ki anuñ ola mihr ü meh (649/7)
Bu iki kevnde bil’llah baña sini gerek sini
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
