Cihâna pertev-i mihr-i cemâlin lem‘a-tâb olsun
Sipihre hüsn-i nûr-ı vech-i pâkin âfitâb olsun
2. Güşâde-bend-i sînen inşirâh-ı sadr-ı âşıkdır
Açıl ey gonca-i bâğ-ı vefâ bir feth-i bâb olsun
3. Dirîğ etme gedâyân-ı derinden nakd-i ihsânın
Zamân-ı devlet-i hüsnünde âlem kâm-yâb olsun
4. Yapılsın dest-i lutfunla sarây-ı hâtır-ı ahbâb
Dil-i virâne-i düşmen harâb-ender-harâb olsun
5. Gubâr-âsâ gönül kûyunda pâ-mâl olmadan kaçmaz
Türâb-ı makdem-i yâra heman bir intisâb olsun
6. Nedîm olmuş işitdim bezm-i kurba tûti-i gûyâ
Biraz da hem-zebânın hâlis-i şirîn-cevâb olsun
MACİT, Muhsin, Nedîm Divanı, Akçağ Yayınları, Ankara 1997.
https://ekitap.kulturturizm.gov.tr/Eklenti/10635,nedim-divanipdf.pdf?0
