Fâ‘ilâtün Fâ‘ilâtün Fâ‘ilâtün Fâ‘ilün
1 Cevrden ‘uşşâk ider âh u figân benden bilür
Kendi olmuş dehr içinde dâstân benden bilür
2 Zülfüne çokda dolaşma ey dil-i dîvâne-hû
Korkaram bir tıfl-ı bed-hûdur amân benden bilür
3 Adı rüsvâlukla yâ Rab çıkmasun bir kimsenün
Cürm her kimden zuhûr itse hemân benden bilür
4 Bir cihân âşûba tenhâ gamzesi besdür yine
Her ne olsa ol meh-i nâ-mihrbân benden bilür
5 Şimdi Âgâh ol gülistân-ı letâfet vasfına
Söylenürse bülbül-i âteş-zebân benden bilür
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
