MefǾūlü FāǾilātü MefāǾįlü FāǾilün

 

1 Çespān mekān-ı gerden-i yāre mekįn zülf

Sįm üstine sevād-ı zamān u zemįn zülf

2 Olsa Ǿaceb mi ġavŧa-ħvār-ı ġam karįn zülf

Baĥr-ı siyāh mevcesidür çįn çįn zülf

3 Śıdķ ile dāmenin ŧutanı kām-yāb ider

Üstād-ı KaǾbedür tuttuķ Ǿanberįn zülf

4 Olmış rifāǾį tekyesine şeyħ-i şuǾle-ħvār

Pür-nār u pür-şerār u yesār u yemįn zülf

5 Kehfü’l-emān rehzen-i nāz ol çeh-i źeķan                                                                                                    

Meǿvā-yı Şirvan Ħotendür kemįn zülf

6 Hem-ser olur mı tāzelere nāķıśāt-ı zen

Kākül degül mi rütbede bālā-nişįn zülf

7 Mümkin mi ide şuǾle-i ruħsāruñ üzre cā

Siĥr itmeseydi hindū-yı āteş-nişįn zülf

8 Müşgįn ŧınābı aśdı resen çāh-ı Bābil’e

Hārūt-ı fitne oldı giriftār-ı çįn zülf

9 İtmiş hezār Ǿāşıķ-ı şeydāyı ser-keş

Bir mūya beste cādu-yı siĥr-āferįn zülf

10 Śān tel ķafesde bir giceci Ǿandelįbdür

Şevķ-i ruħuñla dil olalı hem-nişįn zülf

11 Ħāl-i siyāh śanma bināgūş-ı yārda

Mehtāba śaldı nāfesin āhū-yı çįn zülf

12 Sįmin Ǿamūd-ı śubĥdur ol gerden-i sefįd

Üstinde ħayt-ı esved-i fecr-i pesįn zülf

13 Rūşen olur mı baħt-ı siyāhum gibi eger

Ħurşįd-i maħşer olsa da der-āstįn zülf

14 Elden çıķarma başa çıķar kārı saǾy ile

                                                                                                                                                                            

 Diyarbakırlı Hâmî Ahmed Hayatı

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017