307
- . - - / - . - - /- . - - /- . –
 
Cennet arzûsını itsün rûy-ı dildârın gören
Cennete lâyık olurmış Ka’be dîvârın gören
Pâdişâh-ı ‘asr olur hüsn ü cemâlün seyr iden
Boynı bağlu kul olur zülf-i siyehkârın gören
Sağ olur mı gamze-i mekkârına hem-dem olan
Hastalıkdan kurtulur mı çeşm-i sehhârın gören
Serv seyrinden ne olur kadd-i dil-ber var iken
Gül temâşâsın nider dildâr ruhsârın gören
Nice kıymet bulmaya şi’r-i Revânî dür gibi
Müşterîdür cân ile nazm-ı güherbârın gören
 
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8