Mefâ`ilün fe`ilâtün mefâ`ilün fe`ilün
 
1 Çenâre mürşid-i bâd-ı bahâr el virdi
 Mürîd-i âb-ı revâna çenâr el virdi
2 Çenârun âb eli gölgesiyle hoş geçinür
 Safâ-yı meşrebi var rûzgâr el virdi
3 Gönül gezerdi beyâbân u vâdî ser-tâ-pâ
 Çok elledin anı (?) şimdi karâr el virdi
4 Ayagın öpmege sâkînün eyledüm ibrâm
 Niyâza döymedi bî-ihtiyâr el virdi
5 Nice o pençe-i hûrşîdi kollaya Yahyâ
 Ana kaçan felek-i hîlekâr el virdi
 
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147