Mef‘ûlü/ Fâ‘ilâtü/ Mefâ‘îlü/ Fâ‘ilün
Cem kim cihâna câmı ile toldı nâmı var
Sâkîmizüñ anuñ gibi nice gulâmı var
Vuslat yolında gice ile soyma beni
Hûn-hâra gözlerüñ gibi iki harâmi var
Ragbet ider mi hûr-i cinân merhabâsına
Şol kim anuñ kapuñ gibi dârü’s-selâmı var
Serv-i sehî salınsa yolına ‘aceb degül
Nûş eyler elde gül gibi pür-bâde câmı var
Sarrâf-ı dür-şinâsuñı ey müdde‘î gör e
Nazm-ı Behişti’nüñ ne güzel intizâmı var
Dr. Yaşar AYDEMİR, BEHİŞTÎ DÎVÂNI,
Behişti Ramazan
