251.
. . - - / . . - - / . . - - / . . –
1.Cem gibi bezl iderüz herkese peymânemüzi
Devlet-i meyde görüñ himmet-i şâhânemüzi
2.Tîrüñe karşu turup sînemüzi çâk itdük
Ya‘ni mihmân içün açduk der-i gam-hânemüzi
3.Murg-ı zîrek niçe yanına anuñ ugraya kim
Âsiyâb içre komış çarh-ı felek dânemüzi
4.Kûy-veş künc-i harâbâta atarduk bulsak
Kendi hâline komazlar dil-i dîvânemüzi
5.Hûblar birbirine düşdi ‘Atâyî biz de
Zâyi‘ itdük ara yirde dil-i mestânemüzi
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
