Mefâ‘îlün/ Mefâ‘îlün/ Mefâ‘îlün/ Mefâ‘îlün
Celâlüñ görmeyen câna tecellâ-yı cemâl olmaz
Firâkuñ odına mûmam belâsuz çünki bâl olmaz
Göñül şöyle müzeyyen oldı dîzâruñ görel’den kim
Vücûdum gülsitânına cinân bâgı misâl olmaz
Ne ‘âşık kim bugün rûz-ı visâlüñden haber tuydı
Fenâ gam-hânesinde ol giriftâr-ı melâl olmaz
Dil ü cândan senüñ derd ü belâña her ki sabr itmez
Aña da‘vâ-yı ‘ışk itmek bu ‘âlemde helâl olmaz
Behiştî şöyle beñzer kim tecellî farkın itmişdür
Güli seyritmeyen bülbül igen şîrîn-makâl olmaz
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
