29
- - . / . - - . / . - - . / . - -
Çekdürdi elif sîneme derd ü gam u mihnet
Böyle olur imiş güzelüm râh-ı mahabbet
‘Âşık geçürür gönlini her nesneden ammâ
Zâhid mey ü mahbûbdadur var ise sohbet
Yıkıldı gönül hânesi gamdan yine sâkî
Ancak sen idersin anı lütfunla meremmet
Terk itme gönül işigini pîr-i muğânun
Sâlik olana pîrden irişe yine himmet
Her sâde-ruhun vasfını yazmakda Revânî
Nakkâş durur kim virür âyîneye suret
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
