Mefâ‘îlün Mefâ‘îlün Mefâ‘îlün Mefâ‘îlün(1)
1. Cefâya yüz tutup niçün sen ey mihr-i cihân-ârâ
İdersin pençe-i hurşîdi maglûb-ı yed-i beyzâ
2. Diline hâr-ı şâh-ı verd-i ‘ışkından diken batmış
Yirinden kan çıkupdur sanmañ açıldı gül-i hamrâ
3. Gilümden devr eli kûze idüp su içse yâr andan
Lebinden yâr cân virüp diyem ey bî-vefâ sahhâ
4. Başından akça yagdı dîdemüñ kûy-ı mahabbetde
Görüp ol tıfl-ı şûhı Türk-i çeşmüm didi kim yagmâ
5. Bıñarı dîde-i giryânumuñ ser-çeşmedür Emrî
Ki andan bir tamar Nîl ü Furât ü bir tamar deryâ
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
