-321-
Fâ`ilâtün Fâ`ilâtün Fâ`ilâtün Fâ`ilün
 
1 Cânuma kasd itme ey `Îsâ-nefes kâfir misin
 Evvelâ gör mürde ihyâ itmege kâdir misin
2 Bî-huzûr isen dilâ fikr-i dehân-ı yârdan
 Gel `adem iklîmine `azm idelüm hâzır mısın
3 Dem-be-dem ol gözleri hûnî beni kan agladur
 Eşk-i çeşmüm göricek ey bahr sen acır mısın
4 Gam metâ`ın alup olsam sîm-i eşkümde emîn
 Yohsa bunca akçaya ey dîde sen nâzır mısın
5 Hasb-i hâlüñ nazm idüp dil-dâra arz itmek nedür
 Bu hicâb ile Ziyâ’î sen dahı şâ`ir misin
 
 
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ