Mef‘ûlü Mefâ‘îlü Mefâ‘îlü Fe‘ûlün
 
1 Cânâ dil-i erbâb-ı vefâdan mı gelürsin
Ey ka‘be-i maksûd safâdan mı gelürsin
                                                           
2 Şebnem gibi gökde aranur yerde bulındun
 Ey mihr-i cihân-tâb semâdan mı gelürsin
 
 3 Ey murg-ı dil ol zülf-i siyehden nice geçdün
 Yâ baht-ı sa‘âdetle hümâdan mı gelürsin
 
4 Yârân seni bergeşte nigâh ile ararlar
 Ey şâhid-i ikbâl kafâdan mı gelürsin
 
 5 Huşk eyledi kişt-i emeli ye’sle âhum
 Ey ebr-i kerem âb-ı bekâdan mı gelürsin
 
 6 Ey reşk-i perî külbe-i Âgâha mı vardun
 Vahşet-zedesin dâm-ı belâdan mı gelürsin
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,