[269]
Fâ`ilâtün Fâ`ilâtün Fâ`ilâtün Fâ`ilün
1 Cân ümîd-i vasl-ı cânân itmemek mümkin degül
Ol temennâ çeşmi giryân itmemek mümkin degül
2 Lem`a-i hurşîd-i `âlem-tâb-ı ruhsârın görüp
Dâg-ı `ışkı dilde sûzân itmemek mümkin degül
3 Sâye-i dâmânına irmek hevâsına düşüp
Cism-i zârı hâke yek-sân itmemek mümkin degül
4 Hâlet-i ref`-i nikâb-ı rûyını fikr idicek
Şevk ile çâk-i girîbân itmemek mümkin degül
5 Hep gelen meydân-ı `ışka gûy ider lâbüd serin
Nitekim zülfini çevgân itmemek mümkin degül
6 Çeşmi tîg-i gamzesin `uryân iderken dem-be-dem
Her nigehde niçe biñ kan itmemek mümkin degül
181
7 Şîve-i hüsn-i dil-ârâsını Nâmî seyr idüp
Terk-i meyl-i nakş-ı imkân itmemek mümkin degül
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
