159
 
Fe‘ilâtün Fe‘ilâtün Fe‘ilâtün Fe‘ilün
 
1 Cân u başı komışam ol büt-i fettân yolına
Cân nedür ol sanemüñ zühd ile îmân yolına
 
2 Yaşumı âb-ı revân itdi Hudâdan dilerem
Gele hep itdügi ol serv-i hırâmân yolına
 
3 Leb ü haddüñ haberin virse sabâ haclinden
Açıla goncası baguñ gül-i handân yolına
 
4 Reh-i kûyıñda yüritmez bizi uş kelb-i rakîb
Kimse hükm itmez idi gerçi sultân yolına
 
5 Bir let urdı mehe âhum ki karardı bedeni
Sun‘iyâ geldügiçün ol meh-i tâbân yolına
 
 
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep