Cân kıble ider sıdk-ıla sen hûr-ı likâyı (650/1)
Rûşen göreli gün bigi yüzüñde safâyı
Kim bile saçuñdan ne kohu tuydı sabâ kim (650/2)
Anuñ hevesine düşüben oldı hevâyî
Âzâdalıg-ıla kul olalı boyuña serv (650/3)
Bir lahza dilinden komadı tala bekâyı
Cân yüzüñe hayrân u göñül zülfüñe şeyœa (650/4)
Ne fitne ider gör bu sabâh-ıla mesâyi
Hod-bînlıg-ıla ide mi gül saña teşebbüh (650/5)
Hâşâ meger ol vakt ki terk ide havâyı
Göñül ola mı k’itmeye gamzeñ anı mecrûh (650/6)
Kim ola ki terk ide bile tîr-i kazâyı
Gördüm gözüñi kaşuñun altında didüm kim (650/7)
Mihrâbda nişe oturur Türk-i Hıtâyî
Akl anda işâret idüben baña didi kim (650/8)
Ser-mestdür ol mest olana dutma hatâyı
Çün Ahmedi sûzınuñ ide sözle niyâzın (650/9)
Bülbül koya gül perdesin unıda nüvâyî
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
