48
Fe‘ilâtün Fe‘ilâtün Fe‘ilâtün Fe‘ilün
1 Câme-i teng kaçan sîneñe muhkem sarılur
Geñ yakadan görüp ey gonca bu cânum taralur
2 Şöyle kâr itdi gamuñ zehri baña acıyuban
Zehreler çâk olur ey dost yürekler yarılur
3 Vasl içün yalvarı yalvarı aña yitdü işüm
Ber-murâd itmedi yıllardur uşa yalvarılur
4 Beni öldürdi bu gün hasreti ol sîm-tenüñ
Hasretüm gibi kefen geldi baña pek sarılur
5 Bir ulu hân-kâh añılsa ya bir şeyh-i ‘azîz
Sun‘iyâ meykede vü pîr-i mugâna varılur
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
