[fâ’ilâtün fâ’ilâtün fâ’ilâtün fâ’ilün]
1 Nâylar virür fenâ-yı bezm-i ‘âlemden haber
Câmdan sorsaŋ virür keyfiyet-i Cemden haber
2 ‘Ukdemi hall itmedi ber-bâd ola remmâl-i çarh
Yâr vaslından haber sorsam virür gamdan haber
3 ‘Işk hâlâtın mahabbet ehline eyleŋ su’âl
Mürşid-i kâmil bilür ol ism-i a’zamdan haber
4 Bezm-i hüsninde güm olmışdı nigîn-i la’l-i yâr
Hande itdi lebleri virdi o hâtemden haber
5 Tîr-i dil-ber geldi kan itdi fezâ-yı sînede
Nûk-ı peykânın dilâ tut virür ol demden haber
6 Hatt-ı la’l-i yâr olmış mazhar-ı esrâr-ı gayb
Kimse bilmez Rahmiyâ bu râz-ı mübhemden haber
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
