Câm-ı lebünde çeşme-i hayvân diler gönül
Vaslun bağında ravza-i rızvân diler gönül
Dâm-ı belâ-yı zülfe niçük olmaya esîr
Çün ârızunda çâh-ı zenahdân diler gönül
Dermânı derd içinde taleb eyler ehl-i dil
Bu derd-i bî-nihâyete dermân diler gönül
Cân zerrevâr raksa girer der-semâ-ı kul
Ruhsârun üzre mihr-i dırahşân diler gönül
5. Çün hâdi-i zamâne sen oldun bu arsada
Hâk-i deründe mülk-i Süleymân diler gönül
Gelgil ki aynuma şeb-i mirâc imiş saçun
Ol istivâda sûret-i Rahmân diler gönül
Cânın Hakîkî kıldı fedâ çün cenâbuna
Kevn ü mekânı vasluna kurbân diler gönül
Ey evvelîn ü âhir ü vey reh-nümâ-yı ışk
Ez-lutf-ı bî-girân-ı to ihsân diler gönül
CİHÂNŞÂH HAKÎKÎ’
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368
