204
Fâilâtün Fâilâtün Fâilâtün Fâilün
1. N’ola ger el üzre tutarsam gül-i ra‘nâ gibi
Âşıkı kim hoş tutar bu sâgar-ı sahbâ gibi
2. Göremez didâr-ı yârı dirler anı girü tur
Çalışup kim başı taşa urmasa Mûsa gibi
3. Kef yiyüp dest-i havâdisden gögermese yüzi
Kimse basmaz bagrına ol güheri deryâ gibi
4. Gayr-ı Hakdan Sun‘iyâ mirât-i kalbüñ sâf idüp
Başlar üzre yir idin mihr-i cihân-arâ gibi
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
