19
Müstef‘ilün/ Müstef‘ilün/ Müstef‘ilün/ Müstef‘ilün
Çâh-ı zenahdândan cüdâ zindân olur dünyâ baña
Olsa münâsibdür eger mülk-i ‘adem me’vâ baña
‘Ummân-ı eşküm ‘âlemi mânend-i tûfân eyledi
Görinmez oldı katrece ey dil yedi deryâ baña
Ey bâg-ı hüsnüñ mîvesi beñzüm sarardı gussadan
Kaysı-i la‘lüñden cüdâ dir gören ayva baña
Fürkatde geçdi her günüm mihr-i ruhuñ hîç görmedüm
Gelmek müyesser ola mı ol mâh-rû âyâ baña
Gülzâr-ı kûyında benüm ol gonca-i handânumuñ
Ravzî işiden nâlişüm dir bülbül-i gûyâ bana
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
